【明報專訊】天文台昨晨發出黃色暴雨警告信號，少爺占與應昌佑兩個好爸爸皆要晨早出動送囝囝返學。而陳慧琳的大仔劉昇（蝦餃仔）則由工人姐姐接放學，蝦餃仔已8歲就讀國際學校，媽咪陳慧琳亦放心交由工人接送。
陳慧琳兩個囝囝已經是小學生，他們在同一間國際學校返學，有哥哥劉昇（蝦餃仔）照顧弟弟劉琛（小龍包），媽咪放心。蝦餃仔享受學校生活，昨日由工人姐姐接放學，但未見弟弟小龍包。
應昌佑做嚴父 囝囝乖乖聽話
應昌佑與太太齊齊護送3歲囝囝應嘉軒（Travis）返學，小朋友未瞓醒，落車便扭眼瞓，3個人只有兩把遮有點狼狽。應昌佑是嚴父，一句話﹕「今日都唔係第一日返學啦！」Travis即乖乖自己撐傘，媽咪拖住過馬路行返學校。應昌佑則緊貼老婆為她撐傘，自己淋雨無問題，這是愛啊！
少爺占兩公婆拍拖送子返學
原來少爺占的大仔Timmy跟Travis是同學仔，少爺占太太晨早便護送囝囝返學校，少爺占則在學校外等老婆。他十分細心，見老婆步出學校門口，第一時間上前送遮，免她被淋濕，接着兩個拍住拖去攞車。
採訪﹕黃梓烜、林祖傑