放棄蕭芳芳自覺偉大 與拉姑離婚開心擁抱 謝賢細數生命中5個女人

本地
2017.08.11
1477

【明報專訊】81歲謝賢(四哥)經歷兩段婚姻失敗,他感慨兒子謝霆鋒都同樣走上離婚之路。他接受鄭紹康為奇妙電視主持的《天下第一Friend》節目訪問時,哽咽說﹕「呢個係我孤獨老人嘅創傷,每次想起都難免落淚。」

當年喪玩 失去嘉玲

四哥在節目中細數生命中5個女人﹕嘉玲、蕭芳芳、甄珍、狄波拉及現任女友Coco。四哥說﹕「第一個係嘉玲(息影女星),同佢失敗咗,係因為我當年太貪玩。細個無錢,後來有錢咪出去喪玩囉!玩到有日佢突然同我講要結婚,然後就嫁咗去泰國!」

蕭芳芳是四哥第二個女朋友,四哥說﹕「芳芳好乖,係我決定要離開佢嘅!因為有日佢提議我去學英文,我心諗,我連玩都唔夠時間玩,你仲要我去學英文?不過我從而知道佢係個好女仔,咁我就唔好害人啦!最後決定退出,我覺得自己做咗件好偉大嘅事!」

為甄珍上山頂喊15分鐘

四哥與甄珍拍拖4年,結婚1年便分手。四哥回憶說﹕「簽咗離婚紙後,我駕車上山頂喊咗15分鐘,然後我同自己講﹕『過咗去啦,唔好再諗!』然後就放低咗!」

四哥第二段婚姻是與狄波拉(拉姑),兩人育有一對子女謝霆鋒、謝婷婷。他們離婚多年,仍保持好朋友關係。四哥說﹕「拉姑係賢妻,但唔係良母,因為佢好嚴厲!」負責管教霆鋒及婷婷,他自嘲是個「不知所謂」的爸爸。當日他與拉姑辦理完離婚手續後,兩人在街上擁抱起來!四哥笑道﹕「因為太開心,我仲抱住佢轉咗3個圈,睇到我哋雙方律師都呆咗,哈哈!」

叫Coco遇到好嘅就走

至於現任女友Coco與四哥拍拖逾10年,四哥坦言不會再婚。「名分係假㗎!兩張婚書我都撕爛咗,仲結來做乜!况且我都80後啦!所以我同佢講,遇到個好嘅就走啦!」鄭紹康笑問他今時今日是否還「有心有力」?四哥大笑道﹕「?家有心多啲!哈哈哈,呢樣嘢無得認叻嘅!」

娛樂組

許志安 黃秋生
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico