黎諾懿拍牀戲勾引薛家燕

本地
2017.06.09
4353

【明報專訊】薛家燕、黎諾懿、姚子羚和湯洛雯昨日於將軍澳拍攝劇集《燦爛的外母》。薛家燕談到該片多動作戲,加上在炎熱天氣拍攝,感到特別辛苦。黎諾懿笑言日前穿上好少布的SM服拍一場牀上戲勾引薛家燕,卻又不習慣,他笑說﹕「衫的設計有問題,我不識著,條褲起晒釘。不過工作時好開心,家燕姐風趣幽默多笑料,又照顧後輩。」薛家燕笑稱第一次見到黎諾懿著性感服,大讚他雖為人夫,但身形保持得好弗。不過家燕姐又尷尬地說﹕「老實講,我不敢點睇,留畀觀眾睇,拍攝時好多動作,要圍住張牀走來走去,又有身體碰撞,我好多年無拍牀上戲,今次奉獻了給黎諾懿。」

姚子羚信晒男友 唔會查電話

姚子羚表示劇中被誤會撬牆腳,現實中的她無試過撬人牆腳,知道異性朋友有另一半會保持距離,但自爆以前曾有「港女」行為,查男友電話,她說﹕「男人袋住電話瞓覺,我起疑心才睇他電話,真是有發現,於是分手。又有一次借用男友電話卡,無意間接到內地女子調情短訊。不過人大了,我現在一定不會睇男友電話,覺得相處應互相信任。」

湯洛雯也承認跟以前男友欠互信,自己非常大壓力,情緒化至爆喊﹕「趁他去洗手間睇他電話,睇到手震。」

記者﹕鍾一虹

 

黃秋生 惠英紅
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico