【明報專訊】《不懂撒嬌的女人》圓滿結束，但支持者唔想畀佢停，特別是Saving（王浩信）與Cherry（唐詩詠）這一對的故事仍有無限發展空間。昨日網上有Cherry未婚夫阿Sam出現，結婚前夕被Cherry拋棄，他向Saving與Cherry作大控訴，這個《撒嬌》Sam外篇好精彩！唐詩詠看到阿Sam的自白，也轉發有關文章，提議《撒嬌》Season 3要安排阿Sam出場。
唐詩詠﹕第3季應畀阿Sam出場
《撒嬌》大結局催淚，觀眾看到Cherry與Sam的結婚請柬皆為Saving苦候她兩年覺得不值。其實Sam比Saving在Cherry生命中早出現，心水清的觀眾會記得Cherry的前度有一個Sam，被Mall姐嫌棄而要Cherry跟他分手。昨日爆笑貼圖區的facebook專頁有一篇「我係Sam……即係Cherry嘅未婚夫」潮文，以阿Sam的角度作自白。寫足1200多字，情理兼備獲讚賞。唐詩詠轉發潮文作回應，安慰Sam說緣分真係估唔到的，她留言﹕「咁得畀我撞得番，緣真係估你唔到㗎！Season 3應該要畀阿Sam出場。」網民參與討論好High。
「結婚前一星期取消婚禮」
文中Sam提到個個都話Saving慘，Cherry應跟他一起，但沒有人想過他（Sam）的感受。Sam自言識咗Cherry十幾年，是他第一個女人也是唯一一個女人。他早年已向Cherry求婚獲答應，但Mall姐嫌他窮，做I.T.無出色而逼他們分手；所以他現在仍好憎Mall姐。他跟Cherry有聯絡，直至她跟賤Han拍拖又分手，以為自己有機會卻出現Saving乘虛而入。Sam大鬧Saving是廢柴，男人老狗有婚前恐懼症。Sam仍維護Cherry叫網民唔好鬧她一走了之，她是長痛不如短痛的決定。Sam仲話自己用咗一年才感動Cherry回到身邊並再求婚，她再答應了，但想不到她在街上遇到Saving後，在結婚前一星期她取消了婚禮。最後Sam問網民是否同情他才對？這個《撒嬌》的Sam外傳都好感動。
文﹕娛樂組