【明報專訊】葉麗儀、彭健新、麥玲玲昨日出席「農曆新年賽馬日記者會」，宣布為大年初三沙田馬場賽事任表演嘉賓，葉麗儀稱昨日是孫女9歲生日，唯有透過視像替她祝壽，並答應活動後立即飛返悉尼，帶她去踩單車慶祝，故這次返港只逗留兩日，葉麗儀說：「以前每逢聖誕、新年忙於登台，現在工作減少了，就想陪家人，現在悉尼是暑假，有好多戶外活動可以跟孫仔孫女去玩，再過兩三年，他們長大就有自己生活了！」由於孫仔孫女農曆新年要返學，葉麗儀將安排家人在悉尼食團年飯後，自己再返港度歲。談到今年10月邁向70歲大壽，她計劃與老公到美國東岸旅行，欣賞高球賽事作為慶祝。葉麗儀稱現在珍惜健康，所以行路都好小心。
彭健新預告大年初三獻唱《財神到》，相信屆時有機會?利市，他還打算下注發新年財，「我有好多貼士，勁在識馬主多，一場12隻馬，我識7個馬主，好多朋友見我是運財童子就醒錢畀我，不過我就未試過中四重彩，最多買一百元中過萬元。」提到曾志偉買馬勁贏1600萬，彭健新即爆料：「阿倫（譚詠麟）說打電話畀志偉，志偉無接聽，肯定就是贏馬，怕要醒錢畀阿倫，哈哈哈！」他又取笑阿倫日前開騷唱到頭髮豎起，好似頭頂開花，還改了新花名「樂壇掃把頭」。
記者：鍾一虹