【明報專訊】港姐冠軍馮盈盈、季軍陳雅思、友誼小姐張寶兒，以及張國強昨日出席愛心曲奇義賣活動，三位港姐表示平時都喜歡入廚炮製中西餐和甜品，其中馮盈盈自爆曾於聖誕節為同學整曲奇，可惜失手焗過時，最後更要接受同學的大懲罰。講到日前參與邵氏電影活動，馮盈盈直言好想在幕前作多方面嘗試，但無膽自薦。
在美國長大的港姐亞軍劉穎鏇，對留港發展舉棋不定，馮盈盈表示有透過電話群組保持聯絡，但暫時未知對方會否返港，「關於她的私隱，我不太清楚，答錯就不好意思，交番畀她決定。」
張國強睇好《城寨英雄》攞最佳劇集
張國強今年有三、四部主演的劇集躋身十大高收視榜，認為得到觀眾肯定已很開心，他睇好《城寨英雄》攞最佳劇集及陳展鵬奪視帝，自己則對個人獎項抱隨緣心態。是否覺得只頒給後生仔？他說：「陳鴻烈都攞過獎，別人攞獎就欣賞別人成功之處，我重返無綫只是幾年，好多人等30年才攞獎。」他希望未來保持多產，但稍後剃頭拍清裝，擔心要一年後才可再留長髮。
記者：鍾一虹