Advertisement

鼻竇炎困擾兩個月終開刀  盧巧音「嚇死老公無命賠」

本地
2023.01.13
撰文:孜卓芹
盧巧音在醫院病床自拍。
盧巧音在醫院病牀自拍。

盧巧音(Candy)昨日在社交網發文,貼上在醫院病牀自拍照,及老公Sammy@Kolor在病房內陪伴的照片,自爆經歷兩個月的身體不適,終於解開了謎團,入院做了手術,並已出院返家休養。


Candy留言:「話說11月以為自己牙痛,搞咗成個月,X Ray都照埋,隻牙無裂牙肉無事係有腫脹,然後keep住有鼻涕。其實,嗰陣已經懷疑自己有鼻竇炎,自己衰無理到,最終都係搵返我個醫生,叫佢介紹咗個耳鼻喉專科,然後照埋CT scan。醫生話,要做手術啦,因為鼻竇積咗啲嘢喺度,如果唔清咗佢,翻發會比較嚴重,所以即刻排期做手術.多謝兩位醫生一位麻醉師,令我了解多啲呢個病,同埋了解佢哋處理嘅方法,令到自己無咁擔心,令到自己無咁驚。」

Candy謂已返家努力休養。
Candy謂已返家努力休養。

Candy表示終於出院返家了,之後就是努力休養,應該不能參與今年渣馬,並謂:「呢兩個月,如果覺得我唔開心嘅朋友,你哋唔使擔心,因為我只係唔舒服,所以令到我好唔開心,我無事㗎啦!」她更備註:「病向淺中醫」、「嚇死老公無命陪(賠)」」、「24年前又係喺呢度做人生第一個手術」。

嚇親老公Sammy。
嚇親老公Sammy。
陳卓賢 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹