黎諾懿與老婆李潔瑩結婚3年，育有囝囝黎峰睿（小春雞），快將兩歲嘅小春雞精靈又搞怪，為二人帶嚟好多歡樂。
近日，黎諾懿教小春雞讀自己個名，於Instagarm分享片段。見佢先同小春雞先做口部動作熱身，然後慢慢講出「黎峰睿」三字，囝囝跟住爸爸讀，唯小春雞一直含住奶嘴，發音不太清晰。
黎諾懿再問囝囝叫乜名時，小春雞就答話：「餅餅」，黎諾懿頭痛地寫道：「幾時學識讀自己的名字。」
有人留言：「佢唔係講餅餅，係重覆你最尾兩個字：咩名」一班父母級粉絲就建議小春雞應戒奶嘴，「長用奶嘴牙齒會長得不齊的」又話發音要從單字開始學。所以黎諾懿都係要花多啲心機先得。
圖片來源：黎諾懿@Instagram