黎明（Leon）最近拍的銀行廣告大受歡迎，而且不少觀眾也表示十分喜愛Leon的戶外造型。而廣告的花絮片於今天曝光，一齊跟Leon去睇下香港戶外靚景啦。
Leon在廣告中體驗了越野駕駛，穿山涉水，駕駛越野車穿越叢林、到湖邊體驗非一般的釣魚、並與小朋友一同觀星。Leon表示：「作為一個地球人，梗係要盡情嘗試不同嘅生活，咁先可以發掘更多可能！所以今次嘅拍攝好好玩，例如可以體驗平時比較少接觸嘅Off-Road（越野駕駛），一直都好想嘗試，但平時因為冇時間比較可惜，今次玩完先發掘到原來香港好多地方都好靚！之後嘅廣告系列我仲會由陸地玩到水上，著住水鞋到湖邊體驗Fly Fishing（飛蠅釣），同埋仲會喺戶外中欣賞動人嘅星空，希望帶出『發掘更多可能』的訊息！」
花絮中，Leon除了駕駛越野車穿越森林外，更要走過崎嶇又陝窄的山路，驚險非常。Leon笑説：「原來Off-Road並唔容易，有好多路段難度好高，譬如係當架車駛到去好多石嘅路段時，如果遇上一啲大石，令越野車被卡住，呢個時候就需要落車，用鋼索連繫同伴嘅車先可以跨越。過程中可能遇到不同挑戰，當走得更高更遠，便能欣賞到更多絕色美景。」
