Advertisement

黎明旗下新人雅荍 Apple 與夏蕙BB年紀相距76年 齊齊校服look談愛情觀

本地
2022.08.10
撰文:溫敏芝
Sophia(雅荍)、Apple與黃夏蕙日前穿上校服受訪。
Sophia(雅荍)、Apple與黃夏蕙日前穿上校服受訪。

黎明旗下新人Sophia(雅荍)、Apple,日前參與網台節目《圍爐取戀》拍攝,今次的嘉賓有即將離港的黃夏蕙(夏蕙BB),兩位未成年少女與夏蕙BB,三位嘉賓年紀相隔76年,兩嫩一老暢談時下學生哥的戀愛態度,她們為了配合主題,齊齊穿上校服,打破代溝的隔膜。

兩位16歲的正牌學生Sophia(雅荍)及Apple,加上年過90的夏蕙BB,大家的戀愛態度竟然是一致,若是喜歡對方便要爭取機會去馬,不要浪費時間。在節目中有位16歲女同學來電傾訴暗戀故事,她們聽了這段若即若離的戀事,均覺得女同學應該自己行前一步,否則只會浪費時間,雖然Sophia、Apple意見頭頭是道,但原來她們都沒有拍拖對象,Sophia更說:「最好唔好拍,期望愈大失望愈大,一切順其自然。」Apple則坦言想嘗試拍拖感覺。在旁的夏蕙BB說:「佢哋只有16歲太細個,點拍拖呀!不過少女個個都咁靚,有邊個唔想俾人追呀!」

一向前衛的夏蕙BB令Sophia、Apple十分佩服,Sophia說:「佢好平易近人、好親切,好舒服,仲好貼地添,又幾可愛,因為我拎咗本書俾佢簽名,佢好好笑咁話簽到手痠,佢雖然係老人家,不過原來佢可以開玩笑。」至於Apple則說:「雖然我哋年紀有相距,但係佢好似啱啱成年咁,完全冇代溝,而且佢俾女同學嘅見解好好。」她們又表示,夏蕙BB很鼓勵她們,有夢想要努力去追求,鍾意便用行動去做,做人要勇氣及勇敢!

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹