黃德斌與黃芷晴今日出席apm活動，憑劇集《大叔的愛》而爆紅的黃德斌，更身穿劇中的造型現身。黃德斌笑言現時有不少途人見到他，均會以其角色名「KK」來稱呼他，「有啲人見到我會掩嘴笑，都幾開心，見到啲人咁開心。有啲人會同我講KK I Love You，男女都有，有個5年級嘅小朋友跳我喺劇中嘅舞俾我睇。」他又指該角色讓他多了工作機會，「最開心係每個角色都多人鍾意，多謝導演同監製喺選角方面做得好好。」另外，問及《大叔的愛》會否開拍電影版，黃德斌表示當中涉及版權問題，自己仍未收到相關消息，至於電影故事則交由製作團隊構思，「唔簡單，有難度，因為要有可觀性。」
