十二月十四生日嘅黃嘉樂，女友Samantha為了給一個驚喜，為他補搞了一個生日派對，早已book好餐廳，叫埋他的好朋友，如唐詩詠、黃心穎、馬國明、林子善、樂瞳、楊潮凱、傅嘉莉及陳少邦等出席。
原來壽星仔事前完全不知情，所以當他步入包廂房時，見到一眾好友拎住手機影住自己，即露出驚訝表情，「女朋友話同我慶祝新年，我都覺得奇怪，仲夾埋侍應話無位，所以俾間房我，點知一開門就見到一班好友，當刻真的有點眼濕濕。」嘉樂表示很開心有一位咁體貼嘅女友，更揚言努力搵錢，希望一九年可以迎娶對方。
今次除了女友Samantha出心出力之外，好友林子善同樣是號召人之一，幫手叫齊人夾埋時間。黃嘉樂於社交平台擺出照片及留言：「謝謝親愛的，靜悄悄約晒呢班大忙人，送給我一個驚喜生日會，多謝大家，在心中！」
照片中黃嘉樂、林子善同唐詩詠一齊扮馬國明露出天然呆樣，唐詩詠更打tag稱「你生日你大晒」、「你叫我哋影咩就影咩啦」，相信是黃嘉樂要求扮。而林子善於Ig貼相外，更留言希望黃嘉樂日日開心，事業順利，快快結婚。