馮允謙（Jay）早前到中文大學busking，引來近百學生圍觀兼大合唱，C AllStar的梁釗峰與陳健安也到場支持，更一起jam歌，非常熱鬧。
Jay已近4年沒有busking，表示：「今次以嘉賓身份嚟中大唱歌俾學生聽，好開心。我預備咗最新派台歌《思念即地獄》、喺今年初頒獎禮攞獎嘅《地球來的人》、我好鍾意嘅《山旮旯》，同埋一首英文歌。最驚喜係唱唱吓，突然見到釗峰和On仔喺觀眾裹面，佢哋唔只嚟睇，仲被我迫佢哋上台一齊唱歌，好開心，全場氣氛好好。」
Jay之後獨唱了一首由他創作的英文歌《How Many Times》，部分旋律聽起來份外熟悉，原來是華納歌手張天賦所唱的《反對無效》英文版，他說：「我喺2017年寫呢首歌，自己填咗英文詞唱成Demo，當時我面對事業低潮，工作唔太順利，對自己無乜信心，歌詞係幻想另一半要離開我嘅心情。」
部分圖片來源：馮允謙@Instagram