Advertisement

馬時亨 香港情|薛家燕1967年出國片段曝光 獲幾百粉絲送機儼如女王出巡

本地
2023.04.30

whatsapp-image-2023-04-30-at-15-19-14-21

 

由馬時亨主持的全新訪談式綜藝節目《馬時亨 香港情》,昨晚(29日)播出的第二集,嘉賓是薛家燕和黎耀祥(祥哥),二人與主持馬時亨暢談昔日與「交通」有關趣事,以自身經歷見證香港交通史變遷,並大讚香港交通一日千里。根據節目內容,原來家燕姐1979年為地鐵通車拍攝廣告的酬勞是3,000港元,翻查資料當年市區一個400呎單位,售價約為20多萬港元,難怪主持馬時亨與祥哥齊齊驚嘆家燕姐酬勞豐厚。 

whatsapp-image-2023-04-30-at-15-19-14-19

八歲開始童星生涯的家燕姐,見識廣博,單是關於「交通」的趣聞已俯拾皆是,家燕姐透露陳寶珠是當年「七公主」中坐得最多嘩啦嘩啦的成員:「當時應已有渡海小輪,但去到半夜就冇得搭,咁就要坐嘩啦嘩啦過海。嗰時寶珠姐住香港,我哋片場好多喺九龍,所以收工只要一過咗十二點,佢就要趕去搭嘩啦嘩啦,佢仲話:『好似三蚊定唔知五蚊一個人』」,馬時亨聞言即大嘆「好貴」。

whatsapp-image-2023-04-30-at-15-19-14-10

家燕姐又指當年就算身穿盛裝,仍會選擇坐渡海小輪過海,並笑言是等閒事:「嗰時每年有個叫『十大明星』嘅頒獎典禮,我哋個個就著晒盛裝坐小輪過去大會堂度攞獎,好多影迷跟住。」家燕姐透露當年很享受看海,但切忌拿出相機拍照,否則場面一發不可收拾:「嗰時有少少名氣啦,你出嚟一影相哩,就成段路程都係咁影相架喇。」談到昔日墟冚場面,家燕姐笑言最難忘是坐飛機出國:「嗰個年代唔係咁多人有飛機坐,嗰時出外登台真係有幾百個fans送機,仲拍埋新聞片,上埋架飛機揮手講bye bye,你話幾巴閉,哈哈!」

whatsapp-image-2023-04-30-at-15-19-14

家燕姐還向製作組提供了自己1967年坐飛機出國盛況片段,大批粉絲送機,戴著黑超的家燕姐,向在場粉絲打招呼之餘又近距離握手,相當親民。當年家住鑽石山的家燕姐,又分享了與「飛機」超近距離接觸的趣事:「啟德(機場)得一條跑道,佢哋降落時係要tun過去大磡村,轉番轉頭先出番去啟德機場,嗰時係要block晒啲位唔畀行人同行車。」

 

聲夢傳奇 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹