馬國明（馬明）和湯洛雯（靚湯）於年底拉埋天窗，近日他們到了法國旅遊，更被野生捕獲逛名店時，靚湯表現不耐煩兼黑面，馬明則顯得不知所措，令網民誤會二人疑在旅行途中有拗撬。
馬明日前回港後，立即投入新劇拍攝，接受訪問時談到未婚妻被指「黑面」一事，他即澄清：「當時我哋買緊嘢，話阿湯黑面，其實佢唔係嬲豬，佢好開心嘅，我哋估唔到喺法國，佢搵到一啲想買嘅嘢，喺香港可能一啲舖頭排隊都唔會有，喺法國佢排到呀，即刻俾到佢，所以佢好開心，但係我哋喺法國生活呢10日、8日，發現原來要適應法國節奏，法國人節奏好慢、好elegant、好悠閒同relax，好多時都要等，而香港人嘅節奏好快，我哋喺度諗『點解等咁耐嘅？』嗰個網民評述佢（靚湯）好嬲啦，但佢好開心，因為佢買到一啲想買嘅嘢，亦幫朋友買到佢朋友想買嘅嘢，其實好開心。」
馬明又直認飛法國主要是影婚照，他說：「係嘅，都好開心，請咗一班人同我哋影，班人好好，令我哋影得好開心。」他又大讚靚湯造型超靚：「佢係好靚嘅，同埋今次好好，搵咗啲衫都好靚，佢影咗6、7套衫都好靚，佢頭痛點揀相，一來佢又弗咗，加上啲衫好襯巴黎環境，𠵱家啲相未睇到，好多嘢要執，睇下幾時公開發俾傳媒。」
