香港電影編劇家協會頒發年度大獎，頒獎前請來導演關錦鵬，以《地下情》（原創劇本）及《胭脂扣》（改編劇本）兩部作品，分享創造電影的心得，其後於直播中公布「年度最佳電影角色獎」及兩個「年度推薦劇本獎」。
劇本獎由楊曜愷執導和編劇的《叔．叔》，以及由林詠琛、李媛、許伊萌編劇、曾國祥執導的《少年的你》獲得。
「最佳電影角色獎」則由《叔．叔》中太保飾演的阿柏一角奪得，太保早前憑該片入圍台灣金馬獎「最佳男主角」，並榮登香港電影評論學會及香港電影導演會的影帝寶座，有望在今屆香港電影金像獎再下一城。他表示「劇本係一部電影嘅靈魂，角色創造係編劇心血結晶。我作為一個演員，拎到劇本後，我要盡本分同努力透過我嘅演繹，表達出劇本精髓！《叔．叔》電影劇本係楊曜愷導演嘅心血，有幸不負所託。《叔．叔》你唔睇唔知道，睇咗亦唔會嚇一跳，係一個發生在香港嘅故事，係一部同志電影、愛情電影，係感人嘅作品！謝謝高先電影的Winnie推介《叔．叔》俾香港觀眾，亦謝謝高先電影宣傳部。」他希望《叔．叔》這部戲可以感動香港觀眾。
對於香港電影編劇家協會今年增設「最佳電影角色獎」，楊曜愷表示：「證明佢哋體會到一個角色演繹得好，除咗演員功勞之外亦都係因為劇本，角色寫得夠立體，有機會俾演員發揮。呢個係對每一個編劇一個好大嘅鼓勵同埋認同。我亦都好榮幸《叔．叔》得到電影編劇家協會嘅支持。同埋多謝太保哥將阿柏呢個角色演得咁精采。」