早前公布了《WILD WILD》將於5月殺到香港巡演，今日（26日）正是門票開賣大日子，各位絲打巴打們留意呀！主辦單位更同時公布，今次將會是巡演史上，最多Oppa演出的一次，以往通常是七位至十位Oppa演出，今次香港站足足有十二位Oppa現身，包括李國榮、柳志翰、金士烘、金東熙、姜天一、朴道鏡、正韓泉、韓鎭煜、崔仁鎬（INO）、金鎮友、魯晋旭與李潤濟，滿足晒香港粉絲口福呀！
香港站將於5月11、12兩日於亞博共四場演出，四場中只得一場是男、女士專場，所以有興趣睇的巴打，搶飛陪女友睇又好、全男班去睇又好，記得揀啱日子呀！至於女士專場的女神專區，當然都有不少粉絲福利，而姜天一、李國榮和正韓泉，為了有更好狀態應付各地巡演，日日都操肌做足準備，早前來港出席記者會時，亦不忘到gym房操練，唔怪之得各位Oppa的身材keep得咁好啦！