霍啟剛與鄭麗莎出席「聆聽童心事」開幕禮，霍啟剛表示和7歲大仔中曦經常聊天，彼此都很珍惜，他回想稱童年與父母很少溝通，「當時父母都忙，爸爸要周圍飛，好少喺屋企，所以我好多時間同嫲嫲一齊，不過以前同而家嘅時代都唔同，我想騰出多少少時間去陪小朋友。」
他透露經常與太太郭晶晶及三名仔女享家庭樂，因疫情關係，還他多了時間陪家人，又稱跟太太分工合作，「晶晶主要教功課，但難免佢哋會坐唔定，咁你嬲個仔都冇意思，我會教佢哋讀書做功課唔係向父母負責，而係對自己負責，要向老師交代，就好似學校有讀書獎勵計劃，如果無讀書就無獎勵，要向同學解釋都無面啦，我唔係要求佢哋科科一百分，唔係要佢哋達成父母嘅期望，而係希望佢哋知道呢個係團體精神。」