至於MV概念，熱血躺平族三位團員理念一致說：「係我哋為咗自由，同社會嘅框架逃離及對抗。」而拍MV最難忘的事，並非全裸露股一幕，反而係同幕後齊上齊落的片段，他們說：「我哋要攀過懸崖去其中一個景，要搬器材上落長命斜，所有人包括導演、演員都要一齊搬，呢樣嘢反而令到我哋好感覺到大家係同一條Team，個感覺好正！」
講到成團經過，事緣有一個晚上，尹澤生在雨橋家齊齊看影片，閒談期間，他們看到了Atarashii Gakko 享受舞台的感染力，雨橋忽發其想，覺得香港需要這種音樂，便即興與尹澤生組男團，在尋找理想隊友的時候，想找一個性格純粹，又會跳舞的男孩，當刻想起了皓嵐，所以便邀請他加入！皓嵐曾加入《毛記電視》以藝名「劉小華」出道，又拍攝過不少歌手MV及廣告，演技了得，仲好有觀眾緣！為追音樂夢三人自資造歌、拍MV，面對着未來許多的未知，他們勇於面對及嘗試，「我哋打算一直做落去，最緊要做得開心，無noise就再接再厲，未來嘅作品就暫時冇具體嘅idea，因為No plan is our plan！」