《隱形戰隊》昨晚（10日）一集，三大女主角Madam Q（唐詩詠飾）、邢風（劉穎鏇Tiffany飾）及Shadow（劉佩玥Moon飾）各自身陷險境。劇情講述邢風及Shadow等人為了偵查活人狩獵案，不惜犧牲色相以水著Look混入「狩獵四人組」的泳池派對，其間Shadow與邢風先後與Billy哥（容天佑飾）爆發衝突，邢風意外焫着「四人組」頭目鏗少（阮浩棕飾）；鏗少對手鏈女有「仇恨情意結」，遂鎖定邢風為下一個目標，混亂間Madam Q亦一同被麻醉槍打中及被捉走。二人先在荒廢小屋中被水淋醒，之後經過數輪對峙，邢風弄斷手上索帶，與Madam Q一起展開深夜森林逃亡，拿着獵槍及戴着夜視鏡的四人組，則從後追趕及射殺二人。最終邢風與Madam Q兵分兩路，期間Cool Sir雖在危急關頭救了邢風，邢風卻在掙脫期間撞樹重傷暈倒；至於腳部嚴重受創的Madam Q，在預告片中見到Ocean緊張的抱着她直奔，與邢風一樣生死成謎。
昨晚的「活人獵殺」個案，是本周單元高潮所在，不少網民看後大呼緊張，並大讚劇集節奏明快。至於獲讚有特種部隊外形的Tiffany，受訪時笑言拍攝相關場口雖然辛苦，但也很好玩：「未試過任何武器都冇，只能夠逃走，佢哋仲要有晒槍，我記得好似喺南生圍拍，我哋要利用好多位置走嚟走去。嗰一晚除咗要不斷跑嚟跑去，仲要跌落個榻榻米度，我嗰刻其實乜都冇諗，個focus只係點樣做靚個動作。」談到難忘點滴，怕凍的Tiffany笑言：「我覺得嗰場都算豁出去，個環境又污糟，又要瞓地下，又要撼落棵樹度，已經冇得顧慮太多，同埋嗰晚又係超級凍（之前拍泳池派對都係好凍），但我哋又要吓吓都噴濕個身，因為講我哋係俾人淋醒，所以係喺超級凍嘅情況下拍攝，每次一cut機都要即刻攞番件褸或搵暖爐保暖。」
昨晚Shadow因為要埋Billy身偷電話攞料，除了「拜金女」上身向對方瘋狂放電外，又約對方飲酒；正當Billy仔手多多摸大髀期間，因發現手機不翼而飛向Shadow大發雷霆，期間更以搜電話為由對Shadow「上下其手」；相關場口亦是令人看得緊張，觀眾生怕Shadow隨時會穿煲之餘，亦有網民指如此親密場口看得人血脈沸騰。阿Moon談到與天佑拍攝如此場口時不會尷尬，因為台前幕後都很專業貼心，所以拍得安心又放心：「因為我同天佑唔係首次合作，所以可以好直接溝通、去傾應該點做，監製Jazz亦有清楚指明我哋可以喺咩位做到咩效果，亦都有用鏡頭去遷就番，所以所有嘢都係點到即止，唔會話有咩唔舒服或者尷尬。」
