由馬國明、陳山聰、陳展鵬、江美儀、唐詩詠、劉佩玥（Moon）、劉穎鏇（Tiffany）、林子善、歐瑞偉、樊亦敏等主演的《隱形戰隊》，將下周一首播，Tiffany飾演反恐特勤隊（CTRU）其中一員，被監製文偉鴻不斷鞭策，愈戰愈勇練出「完美Body」，由「冇肉Pat」蛻變「蜜桃臀」，更操出女性極限體脂10%。Tiffany受訪時透露花了三個月減脂操肌，並感激林子善代為安排健身室與教練：「嗰時一個禮拜操五日，每次個半鐘左右，鍛鍊手臂、背、腿同Pat等唔同部位，再花半個至一個鐘跑跑步機。」她坦言為操出蜜桃臀花了不少時間：「我本身pat pat唔多肉地，要操大係難，所以要花特別多時間。」
Tiffany即使未能抽空做gym，也會盡量跑步鍛鍊：「我喺劇入面係CTRU唯一一個女仔，我覺得身形唔可以輸蝕，所以我狂食雞胸同飲蛋白，多菜少飯，維持咗好耐。」Tiffany續指成功增加肌肉量後，才能應付拍攝日常：「因為我着嘅裝備同其他男仔一樣，有頭盔、腰帶再加埋支槍，成套嘢真係好重，依家冇乜點操未必拎到。」她今次飾演熱血正義新人邢風，除了會大展身手，更不時以不同顏色的小背心上陣，相當搶眼！Tiffany笑言是監製主意：「主要係想展示我努力操嘅成果，露吓當時嘅手臂同膊頭，去配合角色硬朗性格。」
Moon飾演為求破案勇於走偏鋒的POTT成員Shadow，單是出場一幕已相當煞食，以超貼身戰鬥服上陣，超長腿吸睛之餘，溫柔又神秘的甜笑亦十分致命。此外，Moon還有超強悍一面，不但開槍快狠準，面對壞人亦絕不口軟兼手軟，堪稱「糖衣女硬漢」。