陳自瑤（YoYo）早前在大台節目《好聲好戲》表現出色，汪阿姐更說公司應為她開劇做女主角。另一方面，陳自瑤亦非常用心經營個人YouTube頻道，最近推出「一日系列」體驗不同工作。最新一段片，YoYo就去咗試做農夫親手捉蟲耕田。
陳自瑤上傳完段片去YouTube就喺Instagram開post分享拍片心情：「真係咁大個女第一次落地耕田！由除草、翻土到種菜，仲要嘗試徒手捉蟲，拍完之後第二日已經全身痠痛，但係我覺得好值得，因為好難忘同埋好有意義！自細屋企人就教我一粒飯一滴汗，真係要好好珍惜食物，珍惜我們擁有的幸福！」
點擊睇陳自瑤點徒手捉蟲：
今次係陳自瑤第一次試耕田，佢拿起鋤頭除草翻土做到足，雖然華姐話佢做得麻麻地，但每個功夫都落手落腳做到足，呢份認真夠佢有50分。而片段中最大膽嘅場面就係YoYo徒手捉蟲，一見到菜蟲YoYo已經驚到大叫，但仍然更住頭皮去做，將一條又一條菜蟲擺入透明膠袋入面。
最後，唔專業嘅YoYo都捉到唔少菜蟲，但相比華姐個一大袋菜蟲，當然係蚊髀同牛髀，難怪陳自瑤都自嘲話琉4捉蟲比賽自已一定會輸。至於睇完片嘅網民就留言怕佢會曬傷，提佢出去外面記住要塗防曬。
圖片來源：陳自瑤@YouTube
