陳柏宇（Jason）早前應日本著名音樂頻道THE FIRST TAKE（TFT）邀請，前往當地以一鏡到底方式拍攝一次性錄音演出，成為香港首位登上該頻道的歌手，不過Jason坦言這次拍攝壓力十分大，更覺得今次是他的歌唱事業個人戰。
該頻道以捕捉音樂人一Take過演繹而聞名，成立至今已擁有逾700萬追蹤人數，成為日本最多人追蹤的音樂頻道，過去曾有前One Direction成員Harry Styles、Avril Lavigne、中島美嘉、Glay、《鬼滅之刃》歌姬LiSA，以及日本現今爆紅的YOASOBI、優里及Milet等參與演出。
今次Jason獲邀，特別選唱了《你瞞我瞞》，但音樂監製Edward Chan在編曲上大幅度改動，將之成為Folk Pop Song（民謠流行樂），再加入罕見的Chord Progression（和弦進程），令歌曲有別於過去港式流行樂的編排；Jason亦作出了適當配合，調整聲音上的演繹。
從TFT的影片中可以看到，Jason一進入畫面時不禁唞大氣，戴上耳筒後擦一擦掌才開始錄音。Jason坦言，在錄音前一刻他都處於極度緊張的狀態：「喺香港開會傾TFT呢個Project時已經好大壓力，因為唔知實際環境，又唔知自己狀態會係點，雖則拍攝前放咗個假，但嗰個假都係就住放，唔能太放任亂叫亂食，又要有足夠休息，另外又Keep住學唱歌，令把聲保持狀態。呢種壓力同平時錄新歌係唔同，因為好少可會喺咁嘅環境入面錄啲一Take過嘅嘢，起初我係唔知冇走盞位，諗住好似喺香港咁，有乜可以再錄多次，但呢度就算有乜嘢蝦碌、失誤都好，都真係照出街，不過好在唔知，如果唔係我壓力更大！」
Jason昨晚特別與幸運Fans於K房聚首一堂，一同見證MV首播的一刻，Jason也特別唱了兩首歌送給現場的Fans，並即興與Fans一同合唱。
