醉開心！
胡定欣在社交網貼上與3對圈中好友夫婦：單立文與胡蓓蔚、陳山聰與Apple、袁偉豪與張寶兒一齊過聖誕的開心合照，留言：「村民齊人過聖誕，醉開心，剛剛好」，最搞笑還有她的Hashtag，透露「話咗交換禮物」，卻「有一個唔記得帶」、「有2個問返轉頭幾時講過？」，她只好「我會將禮物轉移到新年棵桃花下面」、「唔該嗰3位請好好記住」。
話明「醉開心」，難怪個個都帶醉意笑得好開心，最可愛的山聰囝囝Jaco面紅紅又帶點迷惘，有網民就搞笑留言：「左邊嗰位小朋友最醉」、「小朋友的表情好搞笑，他是被逼營業嗎？」；山聰也開玩笑說：「阿仔醉醒未呀」；老婆Apple則自爆冇帶禮物交換其中一人，留言：「新年交換返」，被胡定欣藐爆：「你，好自為知」。
Jaco每次見到定欣都Cool爆。
