陳嘉桓（Rose）2017年拍攝網劇《反黑》時為角色增肥，結果慢慢變成了「肥桓」，日前她出席網上直播節目時，明顯清減了很多。
Rose極速收身成功後，她揚言自己將會克苦節食：「難得依家收身成功，所以星期日生日都唔想約人食飯，都怕搞咗個生日群組出嚟，所以都係家人聚吓算啦！感情就冇諗啦，依家成熟咗冇咁恨搵男朋友囉，諗多咗傳統嘅生日願望，好似世界和平、疫情快啲好。」
受疫情影響，陳嘉桓「旅行癮」發作，希望與「細B」外遊留回憶：「唔好睇小細佬得幾歲人仔，佢記憶力超強，所以想帶佢去開開眼界，同佢去應該都幾開心。疫情之下，我都會同佢一齊做勞作、畫畫呢類功課，因為家姐會比較在行啲。」
部分圖片源：ViuTV 、陳嘉桓＠Instagram