陳凱琳（Grace）同鄭嘉穎婚後育有兩子，不時喺IG放閃大晒家庭幸福。今日係Grace 30歲生日，之前佢出席活動嘅時候透露打算Staycation慶祝生日，因為玩完唔使執屋。
陳凱琳今日係Instagram upload咗一段一家人去Staycation慶祝生日嘅記錄片段，慶祝生日當然唔少得生日蛋糕同生日歌，片入面鄭嘉穎為Grace唱生日歌，又見到囝囝玩得好開心，畫畫嘅時候仲唔小心畫花埋張枱。
點擊睇更多陳凱琳靚相︰
Grace留言多謝身邊嘅人對佢嘅愛，又祝賀佢雙胞胎細佬生日快樂。Grace話佢每一年都過得比前一年更幸福，令佢迫不及待迎接之後嘅日子，想知道未來嘅日子會為佢帶嚟啲咩驚喜。另外，Grace亦多謝主一直照顧同看顧佢，希望今年生日自己喺智慧、信心等方面可以繼續成長。
圖片來源︰陳凱琳@Instagram