陳凱琳（Grace）與老公鄭嘉穎嘅愛情結晶品喺2月14出世，成為情人節寶寶。
產後兩星期，Grace今日（28日）即現身出席餅店活動，見佢狀態非常好，身材一啲都無走樣。
被問到坐唔夠月就出街，Grace表示：「雖然有網民問係咪咁等錢洗，但其實我只係貪玩，覺得自己狀態OK，而且都有同老公商量過先出嚟。老公都覺得OK，我可以同大家見個面，報平安。我亦都希望大家尊重我嘅決定，而且我完咗就會即刻返屋企休息。」
另外，Grace透露老爺幫小Rafael改咗個名叫鄭承悅，希望囝囝可以兌現承諾，一生都開心快樂。