郭偉亮（Eric）、方力申、及J2ers陳欣茵與胡美貽主持的《鋪鋪Poker》，今晚（10日）播出最新一集，請來余香凝（Jennifer）、余潔滢（Zoe）兩姊妹擔任嘉賓。Jennifer、Zoe兩姊妹不單靚樣相似，就連聲音也十分相似，就連她們自己也試過「傻傻分不清楚」，Zoe笑言：「試過聽Voice Message，我喺度諗有講過呢句嘢咩？後尾發現原來係佢（Jennifer）講嘅。」Jennifer則曾於瀏覽IG帖文時將妹妹的照片認錯是自己。比妹妹早入行的Jennifer曾反對Zoe加入娛樂圈，更因此吵架了一晚，她說：「我嗰刻係變咗佢阿媽，覺得佢唔知呢行係點，但佢會諗：『我都未試，做咩俾咁多質疑我？』」Zoe接着說：「我係覺得你（Jennifer）都試咗咁耐啦，點解唔俾我試吓呢？」
同老公仍在蜜月期、已是媽媽級的Jennifer笑言曾抱住囡囡賭錢，「抱住佢玩魚蝦蟹，運氣都OK喎！」小方好奇Jennifer生B後，老公家庭地位有否「降呢」？Jennifer一臉幸福，說道：「依家仲係蜜月期，好似未拍夠拖咁，有時趁BB瞓咗會兩個人玩Poker。」Jennifer透露生完小朋友後，心態上亦有很大改變：「終於明阿爸阿媽點解話身體健康唔係為咗自己，依家身體健康係為咗BB，所有嘢都係以BB為先，好似冇咗自己咁，真係要Ready冇咗自己先好生。」Eric聞言即感觸地回應：「呢個就係我唔生嘅原因，未Ready冇咗自己！」
今晚氣氛相當緊張熾熱，未到最終回都未知誰是大贏家，並驚現多局「冤家牌」。見慣大場面的Eric也忍唔住呻：「Zoe好似我剋星咁，我差唔多次次有好牌時，佢都有（好牌）仲要大我少少，因為咁輸咗好多好多籌碼，都幾沮喪。」Eric和小方的大鬥法亦是亮點之一，Eric更已看穿小方「技倆」：「佢嘅小動作我已經知道晒，佢呃唔到我囉！」
