由郭偉亮(Eric)、師兄劉浩龍、陳欣茵（Sonya）、陳若思（Amber）同布樂文（JB）主持的《鋪鋪Poker》於，今晚（11日）播出今集嘉賓是楊千嬅。
千嬅是次獲Eric邀請，以一頭標誌性的紫色頭髮亮相節目，師兄亦穿上紫色衛衣襯返嘉賓。節目開始時，師兄問到千嬅大懲罰最驚會遇到什麼物種，她說︰「蛇蟲鼠蟻是基本驚，有毛滑潺潺、曉郁有生命都驚。」她又自爆老公丁子高出門前的叮囑︰「佢叫我睇路囉，小心啲出牌。開頭以為佢驚我輸，原來佢係唔想我輸得咁核突。」
Eric講到圈中有不少獅子座藝人，在座的師兄及千嬅老公都是最佳例子，Eric說︰「谷德昭都係，佢哋玩牌有一個特點，好少偷雞，開頭死都唔肯講俾我聽點解。後來佢哋解釋我聽，因為獅子座要面，好驚偷完雞衰咗個下，瘀呀。」千嬅指獅子座還有「囉嗦」的強項，而水瓶座的她，用一招秘技就能順利KO老公‥‥‥
千嬅講到早前Halloween為囝囝丁進諾佈置屋企，因為他不單重視儀式感，而且喜歡扮鬼扮馬，更遺傳父母鍾意唱歌的特質，她說︰「佢好鍾意唱歌，仲睇晒《聲夢傳奇2》識晒啲學員名，所以佢識Eric（《聲夢2》導師之一）。佢叫我問下點樣參加。我話你唔好言之過早，10歲咋。佢唔知以為係玩game，唔明個樣嘢，唔明個壓力喺邊度。」另外，千嬅打從做女開始，鮮有下廚，近年已躍升為廚娘，雖然未至於出色，但，至少識煮，原因是老公喜歡食之外，更會評頭品足，但更多的是想可以親手煮餸給兒子吃。