Advertisement

釜山國際電影節|凌文龍率先獲頒最佳新星大獎  梁詠琪岑珈其分別入圍女主與男配

本地
2022.09.27
撰文:Rita
Gigi第一次拍劇就獲提名最佳女主角。
Gigi第一次拍劇就獲提名最佳女主角。

凌文龍(小龍)日前獲第27屆釜山國際電影節所設的第4屆亞洲內容獎(Asia Contents Awards,簡稱ACA)評審委員肯定演技,在10月8日頒獎禮正式舉行前,率先確定獲頒最佳新星大獎(Best Rising Star),下周將遠赴釜山現場親身領獎。與此同時小龍憑電視劇《IT狗》阿信一角獲提名新演員獎(New Comer),一同角逐該獎項的演員分別有韓劇《二十五,二十一》的崔顯旭及泰劇《流星花園》的彤達婉.奔提維此弓。身為香港電影金像獎協會董事的余安安亦有幸獲邀成為該頒獎禮的頒獎嘉賓,屆時將負責頒發終身成就獎(Lifetime Achievement Award)。

余安安將同契仔凌文龍一同出席釜山國際電影節。
余安安將同契仔凌文龍一同出席釜山國際電影節。

小龍得知入圍消息後表示非常驚喜:「冇諗過第一次演出電視劇就有機會提名國際獎項,《IT狗》喺香港嚟講係比較創新嘅題材同類型,希望可以俾其他國家睇到香港電視界嘅新視野。依家好多亞洲電視劇質素都好高,今次去唔敢奢望得獎,希望同其他地區嘅影視人交流一下,有機會都想欣賞下佢哋嘅作品。」安安姐則表示好高興成為頒獎嘉賓:「好榮幸釜山國際電影節亞洲內容獎邀請我去出任頒獎嘉賓,仲要係一個咁重分量嘅獎項!真係相當興奮!」

凌文龍仲憑電視劇《IT狗》阿信一角獲提名新演員獎。
凌文龍仲憑電視劇《IT狗》阿信一角獲提名新演員獎。

岑珈其亦憑《IT狗》的演出,獲提名「亞洲內容大獎」的最佳男配角,其餘四位入圍勁敵包括《魷魚遊戲》朴海秀、《Tracer》朴埇佑、《Hurts like hell》Vithaya Pansringarm及《八角亭謎霧》祖鋒。
獲得提名肯定的岑珈其先感謝大會,自言能得到評審團的肯定和支持,已經很開心很感恩!「今次提名絕對係一個超級大的鼓勵,得到呢一張咁好嘅成績表我會好好珍惜!我一定會繼續努力做好日後每一個作品,同埋真心要好多謝《IT狗》簡君晉導演,俾今次呢個機會我參演到Kenneth Sir呢個角色,最後一定要多謝喜歡同支持我嘅每一位朋友吖!」

岑珈其亦憑《IT狗》獲提名最佳男配角。
岑珈其亦憑《IT狗》獲提名最佳男配角。

梁詠琪(Gigi)主演的ViuTV原創劇《反起跑線聯盟》,亦獲韓國釜山國際電影節亞洲內容大獎2大獎項提名,包括Gigi憑劇中Nora一角,獲得「最佳女主角」提名;劉偉恒則獲提名「最佳故事」。Gigi將與韓劇《非常律師禹英禑》的朴恩斌、日劇《新聞記者》的米倉涼子、內地劇《江照黎明》的馬思純等爭獎。
Gigi首演電視劇便獲女主角提名,她表示感恩及驚喜:「一個好大嘅驚喜!非常感恩可以同好多出色嘅演員一同入圍,我覺得十分榮幸。第一次拍劇知道自己有好多不足嘅地方,我仍然謙虛繼續努力。」劉偉恒則表示會赴韓國出席頒獎禮。

Gigi表示感恩及驚喜。
Gigi表示感恩及驚喜。
聲夢傳奇 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹