劉德華、梁朝偉、蔡卓妍（阿Sa）等昨晚（20日）出席英皇電影《金手指》首映禮，吸引逾千名粉絲到場，企滿商場3層。
阿Sa在戲中演偉仔背後女人，阿Sa要「裝假胸」上陣，她表示跟兩位影帝拍攝時，不是太緊張，反而緊張自己表現多些。在戲中跟偉仔激吻的阿Sa，自爆劉嘉玲看完後跟她說：「你應該狼死啲！」被問會否擔心成為女粉絲公敵？阿Sa說：「搵食艱難呀，又要裝胸作勢，個胸係特技，唔係攝入去，係黐上去。」笑問是否裝完假胸後，不羨慕大胸？阿Sa直言一向都唔羨慕：「因為我都有，使乜羨慕？」問偉仔會否盡量避免望阿Sa上身，他笑說：「唔會啩？點會呀？」
華仔表示《金手指》不是拍得最輕鬆電影，但也拍得舒服，同時亦有壓力，因為想自己有表現，問他自覺戲中表現如何？華仔笑說：「very good！」他同期有另一部電影上映，變成「自己打自己」，他無奈說：「冇法啦，我都唔想，兩間唔同公司。以前都試過，唔好俾人講到好似兩部戲要打咁，最好兩部睇晒，每部睇好多次。」他們預告將有謝票活動。