Advertisement

鄭欣宜演唱會|鄭裕玲做嘉賓被問救Jackson定姜B Do姐:最近多咗個任時完

本地
2023.03.17
撰文:卡琳
whatsapp-image-2023-03-16-at-10-59-52-pm
Joyce一連三場「Believe Us鄭欣宜演唱會2023」昨晚在紅館開鑼。

鄭欣宜(Joyce)一連三場「Believe Us鄭欣宜演唱會2023」昨晚(16日)在紅館開鑼,圈中好友李幸倪(Gin Lee)和應智越(細貓)都有捧場,特別嘉賓更邀請了鄭裕玲(Do姐)上台玩「大問答」互揭感情秘密。

今次演唱會舞台設計非常特別和揼本,專程從英國訂製Ground Support,在場內加設四條直柱配合電腦程式和射燈,打造不一樣的燈光效果,Joyce說:「與上次『Between Us演唱會』相隔九個月,今次可算係2.0版本,所以我決定不惜工本去做今次演唱會。大家見到四邊有四條柱,叫做Ground Support,來自英國。所以要同佢哋講聲『Hello darling, welcome to Hong Kong.』好多外國演唱會都有,所以我哋今次好威威架,好國際,好international。」

whatsapp-image-2023-03-16-at-10-04-20-pm
當Joyce問Do姐如果得一個水泡,你救Jackson Wang定姜B時,Do姐鬼馬表示最近多咗個任時完!

之後Joyce介紹特別嘉賓Do姐時,引來全場歡呼,Do姐說:「我好開心你請我嚟做嘉賓,我都覺得我非常有資格,因為喺你未出世,肥姐大肚嘅時候,我已經知道你嘅存在,睇住你長大。不過,演唱會嘉賓要唱歌喎!」Joyce笑說:「唱歌跳舞呢啲粗重嘢交俾我做。其實我請你嚟做嘉賓另有目的,我想請你咁有份量嘅嘉賓上嚟講吓我,教訓吓我!」Do姐說:「我又無察覺你有乜唔好,不過我收到風,你鍾意夜瞓又好晏起身,你要學吓Do姐早睡早起,呢個歲數都Keep得唔錯!」Do姐續說:「憑良心講,欣宜無嘢唔好,睇佢長大,佢好尊重自己嘅體態,佢做返自己,我好開心。佢對於鍾意嘅事,即係唱歌演出,會付出100% ,叻女到喺紅館開演唱會,唔止一次,係兩次!(Joyce在旁細細聲更正『係第三次』)三次添!我引以為傲。」

雖然Do姐表示不會表演唱歌,但她建議與Joyce在台上玩「大問答」,Do姐問Joyce的擇偶條件,她表示會揀較高大和肥肥哋的男仔。Joyce問:「如果得一個水泡,你救Jackson Wang定姜B?」Do姐說:「最近多咗個任時完,不過佢哋識游水,唔使我擔心。(點解IG淨係follow佢哋唔follow我?)時機未成熟。」Joyce問:「你到底有無拍拖?」Do姐說:「我有拍拖,我同現場咁多人拍拖,我覺得呢種拍拖關係最好,佢哋鍾意我,我又鍾意佢哋,我哋又唔會嗌交!咁你有無拍拖?」Joyce照辦煮碗回答,引來全場爆笑。

姜濤 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹