鄧麗欣（Stephy）在2007年舉行完個唱後，便專注拍電影，不過今天（7日）終於有好消息，Stephy宣布將於11月12日假在香港會展舉行演唱會！Stephy在IG貼上演唱會海報，海報以柔和寧靜的藍調為主，她淡妝上陣之餘，更露出馬甲線，大騷完美Fit爆身形，並寫上：「一別就是16年，承諾字句，都手寫在我日記內，不會忘記，感謝大家一直的支持與耐心，歌手欣回來了，準備好溫習我的歌了嗎？」
相隔16年未有開騷，Stephy回應傳媒表示：「係呀！我開演唱會嘞！相隔16年再開演唱會，心情係好開心好興奮，因為呢段時間我喺台灣工作，所以拍攝之餘都要好努力備戰，希望到時可以有最佳狀態！今次演唱會會同大家一齊回顧返自己多年嘅改變，喺成長中發現最真實嘅自己。希望藉着今次演唱會帶俾大家一個唔同嘅體驗，踏出大銀幕，面對面用音樂同大家傾偈。」