微電影《老奶奶與無名子》及《親宴》於世界各地20多個國際影展，大放異彩，其中《老奶奶與無名子》更令女主角邵音音帶來14個影后獎座，成績彪炳！擁律師背景的男主角虞日新，雖初試啼聲，但亦獲得不少幕後以及男主角獎項。
羅蘭姐是《親宴》女主角，今日兩位影后級人馬齊齊現身兩齣電影的凱璇記者會。邵音音楊盼盼更為十一月十三日生辰的羅姐慶生，齊齊切蛋糕，而羅蘭姐的生日願望係「最緊要健康」，因為羅蘭姐近日腸胃不適已經食咗兩日陳皮白粥，所以覺得健康最緊要。
楊盼盼亦帶來喜訊，透露女兒懷已有六個月身孕，預產期是明年三月，已經知道腹中BB係女兒，而榮升外婆的盼盼姐今早由佛山到香港，首次陪囡囡做產檢，見到腹中BB好活躍，表示最緊要母女健康，「囡囡話想生女可以扮靚，我覺得仔女都冇所謂最緊要健康，已經同佢講我唔會幫手湊孫，不過玩就一定要預我。」