朱晨麗(朱朱)與楊千嬅因拍攝《多功能老婆》結緣,雖然劇集落幕,但「姐妹情」卻繼續升溫!適逢千嬅在內地舉行巡唱,朱朱更先後到上海及蘇州捧場,蘇州巡唱更「別具意義」!
朱朱表示:「我係蘇州人,梗係要盡『地主之誼』,況且上海睇完覺得唔夠喉嘛。千嬅蘇州嘅演出正值冬至,我帶埋父母去欣賞。嗰場台下嘅反應特別好,千嬅好似萬人迷咁,佢全場都好感性,不停流眼淚答謝粉絲,我覺得佢絕對係一位好值得學習嘅藝人。」
除了欣賞千嬅演唱會外,朱朱此行還陪家人過節,「我有探埋婆婆,成個假期都好溫暖,無論天氣點冷,我都覺得暖笠笠。」朱朱更趁機品嘗家鄉特產大閘蟹,「可能好耐冇食過,我竟然控制唔到自己,一下子食得太多野頂住個胃,最後嘔咗出嚟,下次我會節制啲㗎啦,不過食到嘔依然好開心,事關大閘蟹係我童年嘅回憶。」