蔡思貝主持的旅遊節目《貝遊歐洲》今晚（13日）來到最後一集，今集思貝暢遊「水都」威尼斯，感受當地獨特的歷史氣息及文化。思貝除親身踏足嘆息橋，感受威尼斯歷代囚犯由法院步入監牢前的「最後景緻」及感受；又特意戴上威尼斯傳統面具、穿上由人手一針一線縫出來的宮庭服暢遊水都。
思貝在導師指導下、手繪了華麗面具，配以米白色宮庭服，仙氣十足。坐在貢多拉上的思貝、所到之處均引來歡呼及圍觀，思貝說：「我做咗景點，個個見到我都係咁影。」心情大靚的思貝更搞笑公開擇偶：「各位單身、孝順、專一、幽默、風趣、強健，可以打電話俾我，我已經準備好喇。」其實思貝在節目中多番流露恨嫁的心，思貝遊歷阿爾卑斯山景點時，便公然尋找新郎：「有冇人同我結婚呀？係就飛過嚟意大利搵我啦！」、「未來嘅新郎，如果你想向我求婚，搞婚禮地方想俾個驚喜我，記住睇《貝遊歐洲》！」
「跑步強人」思貝去到意大利阿爾卑斯山的科莫湖更興緻大發暢玩水上運動；換上貼身潛水衣的思貝，大曬長腿、弗爆身型及水上英姿；有運動底的思貝滑兩滑便上手，並大膽地放開手繩自由地在水上滑行。談到滑水感受，思貝笑言要趁早，「一定要有太陽嘅時候落水，否則好似我依家咁凍到收唔到科。」面對超靚海灘，思貝又自爆很想嘗試裸泳：「成日好想試吓咩都唔著去游一次水。」對於是次花了20多日時間、暢遊歐洲9個城市，思貝坦言開心，並認為真正的旅遊是要靠親身體驗，「同當地人交流，甚至乎呼吸每個地方嘅氣味，呢啲先可以深印喺腦海，只有切切實實經歷過先可以記一世。」
