譚俊彥雪地過冰凍情人節 24小時開視頻聯繫家人

攞完視帝就北上搵銀嘅譚俊彥，農曆年就孤伶伶在酒店隔離，現在已出關開始拍攝，預計暑假前煞科。今日情人節，譚俊彥接受本刊訪問說：「今個情人節，要在一個落雪嘅地方，過一個好凍的情人節！」佢仲話，雖然冇得同太太過情人節，不過唔緊要，因為北上拍劇後，都習慣每日廿四小時開住視頻同家人聯繫，「雖然冇得見，但聽到把聲，聽到小朋友嘅聲音都好滿足。」譚俊彥話屋企附近有人確診新冠肺炎，所以子女差不多兩個星期沒出門口，太太只到樓下超市買一些日常用品及食物就回家，基本沒出過街，他希望疫情快點完。