戴耀明在《360秒人生課堂》中擔任嘉賓，分享他的人生故事，大談已年逾80歲的母親，近年不斷向阿仔催婚，為怕自己死後阿仔沒有伴，戴耀明引述戴媽媽當時言談：「第時唔覺意你媽兩腳一伸，你又唔覺意喺TVB攞咗個咩獎，咁你返到屋企拎住個獎戇居居，咪冇人同你分享。你阿媽頂晒櫳變隻飛蛾對你笑一笑，到時你都唔鬼知啦。」樂天又敢言的戴媽媽，更心懷希冀阿仔有一天能吐氣揚眉，她曾這樣對戴耀明說：「聽講荷李活餐車放食飯有幾廿樣嘢揀㗎，好似食自助餐咁，你有機會帶阿媽去見識吓。」戴耀明坦言最慚愧的不是還未吐氣揚眉，而是竟連媽媽「電視城一日遊」的心願仍尚未實踐：「我撈咗幾廿年，連帶我媽返電視城參觀都未試過。」
為了一圓戴耀明母子心願，戴耀明好友譚俊彥在錄影當日，悄悄地帶戴媽媽參觀電視城，更於古裝街向戴媽媽大談戴耀明拍劇點滴，過程中還不忘表達對好友的感激，譚俊彥說：「我嗰時啱啱嚟TVB，個個都唔識，佢成日照顧我，最緊要大家照顧大家。有時我有啲戲唔明白，我都會打俾佢。」之後，譚俊彥與戴媽媽坐定定於後台欣賞戴耀明演講，譚俊彥更為好友直流眼淚，與戴媽媽一起哭個不停，之後再將戴媽媽帶上台並向戴耀明送上擁抱，場面感人。
