無綫真人競技綜藝節目《識貨》，何遠東、黃建東喺節目播出後，竟然靠口才、急才喺一分鐘內沽清貨品，睇到連王祖藍都加碼送現金券俾大家。
點擊睇更多《識貨》精采照片：
節目播出後，Big Big Shop緊接由黃建東及何遠東主持直播賣貨，直播開始冇耐即吸引近5萬人流爭相搶貨，最高峯時段人流高達近14.5萬，全部特價產品推出後一分鐘內沽清，反應熱烈！另外，首席創意官王祖藍全程亦喺直播現場「支援」，除了鏡頭外肉緊提醒見習主播「雙東」講價錢及與網民互動外，為食的他更經常亂入品嚐西瓜及鮑魚，並教大家點樣「食得唔好嘥」。
由於反應熱烈，即使不斷加碼還是數度「斷貨」，為了安撫「買唔到心頭好」的網民，祖藍特意自掏腰包加碼大派禮物，結果全晚送出總數價值5位數現金優惠券！
