請一日假去旅行｜李芷晴30歲生日飛泰國 何沛珈安排女裝猛男送驚喜

Roxanne在製作組協助下鎖定位於曼谷的猛男海鮮餐廳為Stephanie慶生。

無綫旅遊節目《請一日假去旅行》，繼日本及韓國行後，之前在《香港小姐再競選》中奪得冠軍及亞軍名銜的何沛珈（Roxanne）及李芷晴（Stephanie）前日（6日）亦拍住上飛赴泰國拍攝。起飛當日撞正Stephanie的30歲正日生日，Roxanne在製作組協助下鎖定位於曼谷的猛男海鮮餐廳為Stephanie慶生，該餐廳最馳名的，是駐店猛男會以女性裝扮在客人面前勁歌熱舞，合照打卡無任歡迎。

Roxanne超級爽。

現場所見，一眾穿女性睡衣的猛男，不但向Stephanie大唱生日歌，更拉Banner兼手持花炮，氣氛熱鬧。全程明顯受寵若驚的Stephanie，在社交網留言：「今日經歷咗暫時係人生最瘋狂嘅生日，超級驚喜，笑到見牙唔見眼。」之後受訪時更坦言害羞：「真係好驚喜，我當日淨係知道要去夜市拍攝，完全冇諗過大家會為我準備咁多嘢，好多謝大家。對住一班咁性感嘅猛男都有啲招架不住，好怕醜。」

+2

據知，為了一口氣玩盡泰國最新最潮最啱打卡旅遊熱點，二女是次行程確是相當緊密，更帶定泳衣準備隨時落水暢泳；昨日Roxanne便在IG Story上載疑似歎Spa自拍照，感覺寫意。搞笑又為食的二人，甫抵埗即飛奔前往品嚐泰國馳名手搖飲品外，更爭取臨上機前最後衝刺瘋狂惡補泰文。

何沛珈嘅無敵蛇腰，搞到人錯晒重點。