許紹雄嫁女大宴親朋，不少圈中好友都有出席慶賀，波比歐陽震華和宣萱、江美儀結伴到場，開心影完大合照波比才發現，竟然將利市漏在車上，宣萱安慰他不用擔心可以遲啲再補，話口未完宣萱發現自己都將利市漏在車上，即刻將車匙交給波比話唔該順便攞埋。
波比話：「我之前擔心唔記得已經將利市放在座位上，一見到宣萱就乜都唔記得，宣萱真係我嘅貴人，停車場見時大家開心到彈起，完全忘記咗要拎封利市，我哋由停車場行過來足足用咗二十分鐘，佢着住斗零踭冇可能再行番轉頭，惟有我幫佢攞埋啦！」幸好回程在停車場見到梁思浩和郭晉安，即刻截住搭順風順利回到到婚宴現場，宣萱擔心兩手空空不好意思，一直在電梯口等波比，大利市在手才一齊去賀Benz哥。
今晚到場的來賓包括羅蘭、陳豪夫婦、關禮傑夫婦、關寶慧、潘嘉德、余安安、姜大衛夫婦、馬德鐘表、林偉、黃日華、苗僑偉、戚美珍、張兆輝、盧海鵬、盧宛茵、江若琳和老公、黃浩然夫婦、導演琪峰、阮兆祥、姚瑩瑩等，星光滿堂場面非常熱鬧。