「蝦頭」楊詩敏早前宣布與無綫完約，結束8年賓主關係，最新播出的《愛美麗狂想曲》是其告別作。蝦頭現時積極發展音樂事業，更孖老友黃建東組成新組合「蝦東東」開Live唱歌，她昨日上傳唱片影片，並分享歌唱歷程，「蝦之突破，同大家分享唔係因為覺得好完美唱得好好，而係想喺呢個階段俾自己見證一下，原來自己行到嚟呢一度⋯⋯多謝呢四年嚟幫過我嘅所有唱歌老師。」
蝦頭指在唱歌方面一直有個困惑，覺得自己唱唔到高音，「只能夠唱梅姐小鳳姐啲歌，只能夠唱登台氣氛歌，唱唔到啲深情淡然慢歌⋯⋯一段又一段嘅過程，一個又一個嘅難關，今日完成到一首我從來都唔會覺得自己會唱到嘅歌，仲要係live band唱live，我為我自己嘅努力同進步感到高興。再次多謝教過我唱歌嘅每一位老師，多謝願意聽我作為演員用歌聲去表達自己嘅每一位觀眾，我會繼續去突破自己去創新嘅嘗試，將戲劇、音樂、幽默、人情味、故事去變成屬於大家有共嗚嘅作品，多謝大家一直支持。」
圖片來源：楊詩敏@Instagram