蕭正楠（Edwin）生日快樂！今天（3月23日）是Edwin的43歲生日，最近新冠肺炎疫情嚴重，所以蕭生蕭太都冇出國去旅行慶生，而蕭生噚晚過咗12點無耐，就post 咗張之前同翠如去旅行嘅自拍照上Instagram 曬幸福，而翠如就擺咗張老婆視角嘅蕭生相放閃。
對於蕭生的生日願望，原來翠如一早已經有諗法，就係希望佢腫咗嘅腳快點康復，黃翠如：「我的壽星兒，生日快樂。希望你的豬腳快點消腫，希望你天天繼續笑。祝福這位過份樂觀的太陽之子。」蕭正楠：「呢個世界上，原來有個小朋友同我阿媽一樣咁緊張我出世嗰日，除咗恭喜之外我都唔知講咩嘢好！恭喜我。」
圖片來源：蕭正楠、黃翠如＠Instagram