蔡潔今年入行十周年，日前舉辦了Fans聚會慶祝兼補辦生日，有來自廣州、沈陽、上海及新加坡的Fans出席。
聚會上，蔡潔揀了自己第一次登台演唱的《你要的愛》及《所有下雨天》，以代表她喜歡的天氣及寫書創作的心情，但當中以《就算世界無童話》最有意義，她說：「不經不覺自己原來已經參與過超過30 部電影拍攝，中間有好多等待和未知，到近年開始有機會拍劇，好開心好多角色獲得大家認同，更開心係知道有你哋（Fans）支持，亦想多謝2017年認識嘅一班生死之交，佢哋帶我做義工，鼓勵我面對演藝路上的困難，幫我解開咗我一啲心結，佢哋更送咗《就算世界無童話》呢首歌俾我，以陪住我走未來的路。」
轉眼入行十年，面對一班一直緊隨自己的Fans，蔡潔說：「無諗過可以講到四十五分鐘，依家把聲有啲沙，好多謝佢哋，就算我揀嘅係慢歌都一樣好好反應，應承大家未來我出歌或有活動會多啲安排大家出席。」