莊子璇昨晚雖然大熱奪冠，但賽後疑遭幾位落選佳麗狙擊表達不滿。她今日出席記者會時，表示因昨晚太眼瞓，只看了少許留言即瞓着，「我噚晚都有睇少少，但真係太眼瞓，所以瞓着無再睇，其實我都覺得10號表現得好好，我亦唔知佢輸咩？佢一直做得好好。」被批評無冠軍相，她說：「我覺得自己個樣係比較細個，而我印象中以往可能比較成熟，但今年香港小姐係一個新開始，或者需要新形象，所以可以嘗試不同的形象，其實我中一、二已經咁嘅樣。」賽後落選的14號陳怡名於社交平台暗示會爆料，問到她會否擔心，「無咩擔心，仲可以食花生，我同佢都有傾偈，佢性格應該唔會輸咗唔忿氣，感覺佢唔太着重輸贏。」