莊鍶敏、莊思明和莊思華的拿督父親莊寶，上月28日病逝，享年83歲，喪禮今天（9日）於紅磡世界殯儀館舉行，明日（10日）出殯。莊鍶敏與弟弟莊順勝以及兩位妹妹莊思明和莊思華，陪同母親抵達靈堂打點，思明男友楊明亦在場幫手。承受喪夫之痛的莊媽媽，全程拿着住紙巾兼不時索鼻，難掩哀傷。
下午4時半，莊鍶敏和莊思明在靈堂外受訪，她們表示盼好好送爸爸最後一程，在香港做完儀式後，便送爸爸返馬來西亞，雖然兩姊妹表示心情已平復，又指爸爸走時安詳，但受訪期間仍雙眼通紅，禁不住流淚。問到爸爸遺願？莊思敏說：「都係希望我哋好好地過，希望佢（爸爸）唔好太擔心我哋，我哋會好好照顧自己，希望佢去到另一個地方，可以好好咁過。」
談到男友楊明低調現身靈堂打點，思明說：「佢都好傷心，我爹哋好錫佢，好早當佢係仔咁錫佢，所以佢都好難過。」思明又謂今年內一定不會和楊明結婚，先處理好爸爸身後事。她們表示現階段會多陪媽媽，及完成父親在福建起學校的遺願。