艾妮（Elly）早前為全新Hi-Fi大碟《TOKYO BLOOM》宣傳。大碟於日本錄音，收錄於碟內其中三首歌曲《報復式浪漫》、《記憶棉》及《想見你想見你想見你》MV亦於日本拍攝。Elly表示這次是最難忘的一次MV拍攝，「嚟到日本，我以為係春天嘅時間，所以我係着咗短袖衫嚟，係絕對唔夠衫！每一次拍攝係好凍！同埋我拍攝嘅衫全部都好薄，基本上係完全保唔到暖，所以我覺得今次嘅拍攝對於我嚟講係非常之難忘。」這次日本之旅由於要錄音及拍MV，Elly需於當地逗留超過兩個星期，出發前，她帶備了充足銀彈準備掃貨，但結果無用武之地，「今次嚟到日本我係帶咗好多錢！但係冇時間用，完全係有錢冇掟使！」
提到拍攝《想見你想見你想見你》的MV，Elly說：「我哋每次去到唔到嘅場景，都好希望capture到好多好靚嘅畫面，所以我哋通常都over run半個鐘至一個鐘。但嗰日因為係租cassette舖嘅場地，負責人最尾嗰一分鐘就趕晒我哋出舖，唔俾我哋繼續拍攝，但好好彩我哋最終都完成到。喺呢件事上面，我發覺日本人同香港人嘅守時觀念真係差好遠！哈哈。」