郭晉安（安仔）與歌手何弘軒（Alan）22年前參與拍攝劇集《天降財神》，8歲嘅Alan嗰時係童星，劇中飾演夏韶聲兒子，同郭晉安、歐陽震華做一家人。
早前王祖藍為囡囡搞百日宴，安仔同Alan都有出席，兩人相隔22年終於相認，網民驚嘆郭晉安冇乜老過。Alan喺社交網分享同安仔嘅合照，並留言：「這是我們共同的童年回憶，咁就22年了！Thanks 安仔哥哥！」見Alan已長成俊朗青年，而安仔除咗多咗啲男人味外，幾乎冇變過，有人留言：「歲月在你們的臉上無留痕跡。」
拍完《天降財神》一劇，Alan9歲時簽約SONY做童星歌手唱兒歌。今年佢舉辦咗個「小明星練習生」比賽，並請蓋世寶擔任星級評判。
圖片來源：何弘軒@Instagram