胡杏兒今年4月生完細仔李奕宏（Liam）之後，就帶埋二仔李奕霖（Ryan）一齊北上開工，老公李乘德（Philip） 就留低照顧兩個囝囝。
身兼母職嘅Philip，噚日帶大仔李奕霆（Brendan）去沙灘玩，喺IG share一連串同囝囝喺沙灘玩嘅相，相入面影到Brendan為咗執貝殼唔小心飲到海水，鹹到佢面容扭曲，Philip更整蠱囝囝，將佢面容扭曲嘅相放大。
Philip留言「沙灘日」有太陽、海，更唔少得執貝殼同飲海水，仲幫囝囝配字「海水真係好鬼鹹」。唔少網民都留言大讚Brendan得意，又話佢飲到海水嘅樣好搞笑。
圖片來源：李乘德、胡杏兒＠Instagram