陳柏宇(Jason)十三號會推出新歌《墜落》，前天又去了做張敬軒演唱會嘉賓，工作滿滿，不過事業同家庭都好重要，而陳柏宇在IG分享了一條好有趣的短片，穿了Ｔ恤短褲家居服的他，在家中跟一位一歲多的肥妹仔玩，二人又做掌上壓，又提腳收腹，肥妹仔的一雙蓮藕腳又高又低好趣緻，陳柏宇話：「my biggest fan today!」
肥妹仔黐住Jason行來行去，一時在客廳一時在飯廳，一時又走入走廊，意外地把Jason的家曝了光。
Jason老婆符曉薇拿着手機拍攝，又叫老公將食緊飯嘅女兒Abi抱起，試吓肥妹仔呷唔呷醋？網民睇完片，都笑陳柏宇正一大細路兼父愛滿滿，又讚肥妹仔好得意。
影片及圖片來源:陳柏宇@instagram
